Brain – இன்சுலின் கேட் : நோய்களின் வரலாறும் விஞ்ஞானமும் அரசியலும் பொருளாதாரமும்

Sub Arachnoid Bleed : Aneurysm Surgery : தமனிக்கொப்புளம் : மூளையில் இரத்தக்கசிவு

நீண்ட பதிவு : பொறுமையாக வாசிக்கவும்

1
இரத்தக்குழாய்களில், தமனிகளில் ஏற்படும் வீக்கத்திற்கு தமனிக்கொப்புளம் என்று பெயர். இதை ஆங்கிலத்தில் அனிருசம் aneurysms என்று அழைப்பார்கள். மூளைக்குள் இருக்கும் தமனிகளில் சில நேரங்களில் இது போன்ற வீக்கங்கள் ஏற்படுவதுண்டு. இதை விட்டு விட்டால் எந்நேரம் வேண்டுமானாலும் இது வெடித்து அதனால் மூளைக்கும் இரத்தக்கசிவு ஏற்படலாம். சிறிதளவு மட்டுமே இரத்தம் கசிந்தால் சிகிச்சை அளித்து அந்த நபரை காப்பாற்ற முடியும். அதிக அளவு இரத்தம் கசிந்தால் அது உயிருக்கு ஆபத்தாக முடியும்

எனவே இது போன்ற வீக்கம் இருப்ப்தை கண்டு பிடித்தவுடன் அறுவை சிகிச்சை செய்து கிளிப் ஒன்றை அங்கு பொறுத்தி வீக்கம் வெடிக்காமல் செய்யவேண்டும். சில நேரங்களில் மூளையின் உள்ளே, எளிதில் அறுவை சிகிச்சை செய்ய முடியாத இடங்களில் வீக்கங்கள் இருந்தால் குருதி குழாய் வழியாகவே சுருள்கள் (coil) மற்றும் குருதி வழி திருப்பி (flow diverter) ஆகியவை மூலம் சிகிச்சை அளிக்கலாம்.

இவை அனைத்தும் மிகவும் நுணுக்கமான, நவீன கருவிகள் மற்றும் மிகுந்த திறன் தேவைப்படும் சிகிச்சை முறைகள்

பொதுவாகவே மூளையில் செய்யப்படும் அறுவை சிகிச்சை தேவைப்படும் படிப்பு, பயிற்சி, திறமை ஆகியவை அடிகம். அதனால் தான் அறுவை சிகிச்சை செய்யப்படும் பல மருத்துமனைகளில் மூளை அறுவை சிகிச்சை செய்யப்படுவதில்லை

இது போன்ற அறுவை சிகிச்சைகளை செய்ய
1. அறுவை அரங்கில் நுண்ணோக்கி (Operating Microscope)
2. நுண் அறுவை சிகிச்சை செய்யும் கருவிகள் (Micro surgery instruments)
3. மூளை அறுவை சிகிச்சை நிபுணர் (Neurosurgeon)
4. மயக்கவியல் நிபுணர் (Anaesthesiologist)
5. அறுவை அரங்க செவிலியர் (Theatre Nurse)
6. அறுவை அரங்க நுட்பனர் (OT Technician)
தேவை என்பதால் மூளை அறுவை சிகிச்சை செய்யப்படும் பல மருத்துவமனைகளில் கூட தமனிக்கொப்புளத்திற்கான அறுவை சிகிச்சைகள் செய்யப்படுவதில்லை.

பல நாடுகளில் இந்த அறுவை சிகிச்சை செய்யப்படுவதில்லை. இந்தியாவிலும் கூட சில மாநிலங்களில் செய்யப்படாததால் தான் நோயாளிகள் சென்னை வருகிறார்கள்

2
விழுப்புரம் அரசு மருத்துவக்கல்லூரி 2010ஆம் ஆண்டில் ஆரம்பிக்கப்பட்டது. தமிழகத்தில் இருக்கும் பல மருத்துவக்கல்லூரிகளை விட அது புதிது தான்.

3
மூளையில் உள்ள பெருமூளை நடுத்தமனியில் (MCA Middle Cerebral Artery) ஏற்பட்ட சிக்கலான முக்கூறு (Trifurcation) தமனிக்கொப்புளத்தால் (Aneurysm) பாதிக்கப்பட்ட நோயாளி ஒருவருக்கு விழுப்புரம் அரசு மருத்துவமனையிலேயே அறுவை சிகிச்சை செய்யப்பட்டுள்ளது. மூளை முதுகுத்தண்டு நரம்பியல் அறுவை சிகிச்சை நிபுணர்கள் மரு.பல்லவன், மரு.சந்தோஷ், மரு. ராஜ்கவுதம் ஆகியோருக்கு பாராட்டுக்கள்

தமிழக அரசு மருத்துவத்துறையில் இருக்கும் நவீன கருவிகள், மற்றும் மருத்துவர்களில் திறமை, அர்ப்பணிப்பு ஆகியவற்றில் ஆழத்தையும் அகலத்தையும் இது பறைசாற்றுகிறது

-oOo-

இதே போல் மூளையின் உட்கழுத்துத் தமனியில் (Internal Carotid Artery) ஏற்பட்ட தமனிகொப்புளத்திற்கு (aneurysm) சில நாட்கள் முன்னர் பிரபல தமிழ் திரைப்பட நடிகர் சென்னையின் தனியார் மருத்துவமனையில் சிகிச்சை பெற்றார். அதே பிரச்சனைக்கு, தனது வீட்டின் அருகிலேயே, முற்றிலும் இலவசமாக ஒருவருக்கு அறுவை சிகிச்சை செய்யப்பட்டுள்ளது.

189 வயதான மெட்ராஸ் மருத்துவக்கல்லூரியிலோ, அல்லது மதுரை, கோவை போல் தமிழகத்தின் ஓரிரண்டு இடங்களில் மட்டும் இது நடக்கவில்லை

தமிழகத்தில் 25க்கு மேற்பட்ட இடங்களில் இது போன்ற நவீன உயர்தர அறுவை சிகிச்சைகள் தினந்தோறும் நடந்து கொண்டு தான் உள்ளன

பல நாடுகளில் இந்த அறுவை சிகிச்சையை செய்யும் வசதி இல்லை

சில நாடுகளில் ஓரிரண்டு நிலையங்களில் மட்டுமே இதை செய்ய முடியும்

அதுவும் அமெரிக்கவில் இதற்கு கட்டணம் $138,000

தனது வீட்டில் இருந்து 50 கிலோமீட்டருக்குள் இருக்கும் ஒரு மருத்துவமனையின் மூளையில் ஏற்பட்ட தமனிக்கொப்புளத்திற்கு அறுவை சிகிச்சை செய்து கொள்ளவும் வசதி உள்ளதும் அதுவும் இலவசமாக செய்து கொள்ளலாம் என்பதும் தான் தமிழக மருத்துவத்துறையின் சிறப்பு

சில நாடுகளில் இந்த அறுவை சிகிச்சைக்கும் காலம் மிகவும் அதிகம் எனப்தால் தமனிக்கொப்புளம் வெடித்து விடுகிறது

-oOo-

மூளையில் இருக்கும் இரத்தக்குழாய்களில் வெடிப்பு ஏற்பட்டால் என்ன ஆகும் ?

வெடிப்பு ஏற்பட்ட இரத்தக்குழாய் என்ன வகையானது, அது எங்குள்ளது என்பதை பொறுத்து பல பிரச்சனைகள் வரலாம்

மூளைக்குள் இருக்கும் இரத்த குழாய்களில் வெடிப்பு ஏற்பட்டால் மூளைக்கு இரத்த கசிவு ஏற்படலாம் (Intra cerebral Hemorrhage)

அதே நேரம் மூளைக்கு செல்லும் தமணிகளில் வெடிப்பு ஏற்பட்டால் இரத்த கசிவு மூளையின் மேல் உள்ள மெல்லிய உரை (arachnoid membrane) மற்றும் மூளைக்கு இடையில் (sub arachnoid bleed) ஏற்படலாம்

இது போல் மூளைக்கும், மூளைக்கு வெளியில் இருக்கும் மெல்லிய உரையான அராக்னாய்ட் சவ்விற்கும் இடையில் ஏற்படும் இரத்த கசிவை Sub Arachnoid Hemorrhage என்று அழைக்கிறார்கள்

அப்படி ஏற்படும் போது
1. அந்த இரத்த கசிவு தொடர்ந்து கொண்டிருந்தால் நபர் இறந்து விடுவார்

2. (தானாக உறைந்து) இரத்த கசிவு நின்றால் கூட இரு வித பாதிப்புகள் ஏற்படலாம்

முதலாவதாக
இந்த மூளைக்கு வெளியில் இருக்கும் மெல்லிய உரையான அராக்னாய்ட் சவ்விற்கும் இடையில் உள்ள இடத்தில் (sub arachnoid space) மூளை தண்டுவட நீர் (CSF, Cerebro Spinal Fluid) இருக்கும். அதன் வழியாகத்தான் பிற இரத்தக்குழாய்கள் செல்லும். இந்த இடத்தில் இரத்தம் வந்தது என்றால் பிற இரத்தக்குழாய்கள் சுருங்கி (vasospasm) அதனால் மூளைக்கு செல்லும் இரத்த ஓட்டம் பாதிக்கப்பட்டு மூளையின் திசுக்கள் வேலை செய்யாமல் (ischemia) போகலாம். அல்லது இறந்து (infarct) போகலாம்

3
இரண்டாவதாக மூளை தண்டுவட நீரில் (CSF, Cerebro Spinal Fluid) இரத்தம் கலப்பதால் அந்த நீர் செல்லும் பாதையில் அடைப்பு ஏற்பட்டு, அந்த நீர் வெளியில் செல்லாமல், மூளைக்குள் அதிக அழுத்தம் ஏற்படலாம்

எனவே
ஒருவருக்கு மூளையின் மேல் உள்ள மெல்லிய உரை (arachnoid membrane) மற்றும் மூளைக்கு இடையில் இரத்தக்கசிவு ஏற்பட்டால் (sub arachnoid bleed) நாம் செய்யவேண்டிய விஷயங்கள் மூன்று

1.
எதனால் இரத்தக்கசிவு ஏற்பட்டுள்ளது என்பதை கண்டறிந்து அதை நிறுத்த முயலவேண்டும். மீண்டும் இரத்த கசிவு ஏற்படாமல் தடுக்க வேண்டும்

2.
இரத்தக்குழாய்கள் சுருங்கியிருந்தால் அதை விரிய வைக்க வேண்டும்

3.
மூளைக்குள் நீர் செல்லும் பாதையில் அடைப்பு ஏற்பட்டிருந்தால் நீர் வெளியேற மாற்றுப்பாதை கண்டு பிடிக்க வேண்டும்

-oOo-

1
எதனால் இரத்தக்கசிவு ஏற்பட்டுள்ளது என்பதை கண்டறிய உள்ளுறுப்பு ஊடு பதிவி இரத்தநாளச் நிழல் படம் (சிடி ஆஞ்சியோ) அல்லது எண்ணிம இரத்தநாள நிழல் படம் (digital subtraction angiogram) செய்ய வேண்டும்

2
இரத்தக்குழாய்கள் சுருங்கியிருந்தால் அதை விரிய வைக்க மருந்து கொடுக்கவேண்டும்

3
மூளைக்குள் நீர் செல்லும் பாதையில் அடைப்பு ஏற்பட்டிருந்தால் நீர் வெளியேற அறுவை சிகிச்சை மூலம் மாற்றுப்பாதை ஏற்படுத்த வேண்டும்

4.
எதனால் இரத்தக்கசிவு ஏற்பட்டுள்ளது என்பதை கண்டறிந்த பிறகு அந்த பிரச்சனைக்கு அறுவை சிகிச்சை மூலமோ ஆஞ்சியோ மூலமோ வைத்தியம் செய்யவேண்டும்

-oOo –

மூளைக்குள் இரத்தக்குழாய் வெடிக்கும் போது அது பெரிய வெடிப்பு என்றால் அந்த நபர் இறந்து விடுவார்

சிறு வெடிப்பு என்றால் தலைவலி வரும்

-oOo –

நடைமுறையில் என்ன நடக்கிறது என்றால்

தலைவலியுடன் மருத்துவமனை செல்பவருக்கு ஸ்கேன் செய்து பார்த்து விட்டு இரத்த கசிவு என்று சொல்வார்கள்

எங்கு என்று சொல்லமாட்டார்கள். ஏனென்றால் அவர்களுக்கே தெரியாது

அடுத்து இரத்தக்குழாய்கள் சுருங்கியிருந்தால் அதை விரிய வைக்க மருந்து கொடுக்கவேண்டும் என்பதால் தீவிர பிரிவில் வைத்திருப்பார்கள்.

ஒரு வேளை அழுத்தம் அதிகரித்தால் அதற்கு அறுவை சிகிச்சை செய்யவேண்டும் என்பார்கள். இந்த அறுவை சிகிச்சையினால் இரத்த கசிவு நிற்காது என்று மருத்துவர்கள் கூறுவார்கள். இரத்த கசிவை நிறுத்தாமல் ஏன் அறுவை சிகிச்சை என்று நோயாளியின் உறவினர்கள் குழம்புவார்கள்

இந்த குழப்பங்களுக்கு காரணம் என்னவென்றால் இந்த பிரச்சனையின் தன்மை அப்படி. நோய் என்ன, எதனால், பாதிப்பு எவ்வளவு என்று முதல் இரு தினங்கள் யாராலும் கூற முடியாது. அனைத்து பரிசோதனைகளையும் செய்த பிறகு தான் தெளிவு வரும்.

அதற்குள் மூன்று நான்கு மருத்துவமனை மாற்றினால் சிக்கல்கள் அதிகரிக்கவே செய்யும்

Sex and Headache : Headache during or after Orgasm. Is it Serious ? What to do ?

Last year, a 30 year old professional came to me with a history of Headache after Orgasm and wanted to know whether it is normal. In fact, all he expected was walking into the consultation chamber, me saying “Nothing to worry” and he walk back reassured. But, it is not as simple as that !

Let us see some basics. Intra cranial Tension (ICT) or Intra cranial pressure (ICP) refers to the pressure inside the brain. When it is raised beyond a limit, there is headache. During Orgasm, ICP increases a bit.

When the Baseline Intra Cranial pressure is within normal limits, even when there is raise in pressure, it does not cause headache
If the Baseline ICP is high enough to cause headache then there is headache all the time
But if the baseline ICP is itself a bit high, but not so high as to cause headache, there is no headache during routine activities
But During Orgasm, the ICP Further increases and the threshold is crossed. So there is headache

In Short

Mild Headache during Normal Times and Increase in Intensity during Orgasm means that the individual has a high ICP
No Headache during Normal Times and headache only during orgasm means that the Intra Cranial Pressure is rising and we need to urgently intervene to find the cause

I did an Clinical Examination and as expected the Fundus (Eye) showed early eigns of increased pressure inside the skull. It can be any infection or tumour. MRI of Brain Revealed Infection of the coverings of the brain with Tuberculous bacteria. The patient took proper treatment and the infection has been cured and the pressure has come back to normal and when you see the Eye (Fundus) now, there is no sign of raised pressure

Now Few Frequently Asked Questions about this

Question 1. What is the common Cause of Headache after Orgasm. Is it Always an Infection or Tumour ?
Answer 1. No ! The most common cause of Headache after Orgasm is Muscle Tension.
Question 2. Is MRI Brain Needed for Every Case of Headache after Orgasm
Answer 2. No. MRI Brain is not needed for every case of headache after orgasm. It is needed only when the Pressure Inside Brain is Increased
Question 3. How do I know whether the pressure inside my brain is increaed or not ?
Answer 3. Consult a Neurosurgeon !

Neurochemistry of Shopping : Spendthrift and Misers : Addiction and Impulsive Buying

The Neurochemistry of Shopping or Why Few are addicted to Shopping all the time (Spendthrifts) and why every one likes shopping once in a while (except misers)

Let us See How Shopping makes you happy and Why some spend more in shopping and land up in debt while others are stingy

-oOo-

Shopping means getting possession of a new article
From Time Immemorial humans wanted possessions.
So
When you are going to get a New Article your brain is going to be happy
And
When it is something which you are going to use everyday, the happiness is even more

Your Brain is a complex Structure and has lots of parts

For Today’s topic of interest, let us focus on three areas

Nucleus Accumbens
Insula
Pre Frontal Cortex

-oOo-

Nucleus accumbens (NAc or NAcc), also known as the accumbens nucleus, or formerly as the nucleus accumbens septi (Latin for nucleus adjacent to the septum)

The nucleus accumbens is a region in the basal forebrain rostral to the preoptic area of the hypothalamus and is one of the reward centres of the brain.

It is active when the individual feels pleasure. In the 1950s, James Olds and Peter Milner implanted electrodes into the septal area of the rat and found that the rat chose to press a lever which stimulated it. It continued to prefer this even over stopping to eat or drink.

Coming Back to our topic, Shopping is Buying things and that is getting something for you and this is a pleasurable activity. Hence When you plan to buy something or when you buy something, this area of the brain is more active.

-oOo-

In each hemisphere of the mammalian brain the insular cortex (also insula and insular lobe) is a portion of the cerebral cortex folded deep within the lateral sulcus (the fissure separating the temporal lobe from the parietal and frontal lobes).

The Next Area of interest is Insula. it is located deep inside the brain in between frontal lobes and temporal lobes. It has many functions. The insulae are believed to be involved in consciousness and play a role in diverse functions usually linked to emotion or the regulation of the body’s homeostasis. These functions include compassion and empathy, perception, motor control, self-awareness, cognitive functioning, and interpersonal experience. In relation to these, it is involved in psychopathology.

The functions of interest to us is its role in pain experience and the experience of a number of basic emotions, including anger, fear, disgust, happiness, and sadness.

-oOo-

The prefrontal cortex (PFC) is the cerebral cortex which covers the front part of the frontal lobe.

The Third Area of Interest is the Prefrontal Cortex. This brain region has been implicated in planning complex cognitive behavior, personality expression, decision making, and moderating social behaviour.

The most typical psychological term for functions carried out by the prefrontal cortex area is executive function. Executive function relates to abilities to differentiate among conflicting thoughts, determine good and bad, better and best, same and different, future consequences of current activities, working toward a defined goal, prediction of outcomes, expectation based on actions, and social “control” (the ability to suppress urges that, if not suppressed, could lead to socially unacceptable outcomes).

Frontal cortex supports concrete rule learning. More anterior regions along the rostro-caudal axis of frontal cortex support rule learning at higher levels of abstraction

-oOo-

Now Let us see what happens when you see an iMac or Blackberry or a Large Screen TV or a Car or a Dress. Upon Seeing it you want to buy it and “have possession of it” This is a pleasant feeling and your Nucleus Accumbens gets activated. Simultaneously, your Prefrontal Lobe calculates the cost of the iMac / Blackberry / Car / Dress and gives the information that “When you get this new object, you need to give money (from purse or bank account)” While Getting things is a pleasurable activity, giving away things (money from purse or account) is a painful activity. Immediately Your Insula activates upon the pain for losing money.

So
Nucleus Accumbens shouts, pleades, smiles, nudges on one side while Insula gets angry, cries, shouts, blames on the other side and your prefrontal cortex is the judge (aka Nattamai) between these two

-oOo-

Strong Nattamai controls the panchayat. Strong PreFrontal Cortex allows the purchase

Now comes the most important point. Most People have a good prefrontal cortex. This Prefrontal Cortex does complex Calculations. It first asks whether the object is really needed and whether there will be recurring expenses (eg Petrol and Service for Car) with this. It then finds whether there is enough money left in purse or bank after buying it. And when Everything is OK, it says “Go Ahead” and Subdues the Insula and Nucleus Accumbens is more active for the next few hours to days to even weeks and the person is happy and elated. This is how Shopping makes one happy and gives a pleasant feeling.

Nattamai PreFrontal Cortex Stops the Purchase — Strong Nattamai controls the panchayat. Strong PreFrontal Cortex Stops the Purchase

Suppose the Object is really not needed or if there is not enough money with the individual, Prefrontal Cortex asks to Stop and subdues the nucleus Accumbens and the individual is a bit sad for minutes to hours to days to weeks depending on the individual.

-oOo-

Weak Nattamai leads to one party having upper hand Weak Prefrontal Cortex leads to Insula or Nucleus Accumbens having Upper hand — Weak Nattamai leads to one party having upper hand
Weak Prefrontal Cortex leads to Insula or Nucleus Accumbens having Upper hand

But some people do not have a good prefrontal cortex. That is the nattamai here is unable to exert his force and one of the parties coming for panchayat is able to confuse the nattamai and get away with his strength

So, what happens when the individual’s Prefrontal Cortex is Weak. In this case, either the Nucleus Accumbens or the Insula takes upper hand (depending on which is inherently stronger)

Weak Nattamai leads to one party having upper hand and individual is either spendthrift or miser

In a person with weak prefrontal cortex, if the Nucleus Accumbens is inherently Stronger, the individual is unable to control his / her spending. He goes on buying more – can be even impulsive buying – and even buys with loans and credit cards and even buys things for which he has rare or infrequent usage. These people end up as Spendthrift
In a person with weak prefrontal cortex, if the Insula is inherently stronger, the individual does not even spend for essential items and ends up as a Miser. A Son asked his father “Dad, who is a miser”. Dad replied “one who does not show money to his family”. Son Asked “Dad, what is money” . . . .. This dad probably had over acting insula with weak prefrontal cortex and weak nucleus accumbens

-oOo-

The article is from a class I took to students recently. The Title can be (1) Neurochemistry of Shopping (2) Physiology of Spendthrift and Misers (3) Psychology of Addiction and Impulsive Buying. However the best title is “Use of Cinema to keep young medicos engaged during Post Lunch Classes”
I have over simplified the functions of the lobes. Happiness or for that matter any emotion is handled by multiple areas and Insula or for that matter any area has multiple Functions.

பிடிக்காத துக்க செய்தியை மனிதர்கள் எதிர்கொள்ளும் ஏழு நிலைகள் – The Kübler-Ross Grief Cycle

சுவிட்சர்லாந்து நாட்டு மனநல மருத்துவரான எலிஸ்பத் கூபர்-ராஸ் (எலிசபத்து கூபரு ராசு) துக்க நிகழ்வை ஒருவர் எதிர்கொள்ளும் முறையை விளக்கியுள்ளார். முதலில் புற்றுநோய் போன்ற நோய்களால் பாதிக்கப்பட்டவர்களின் மனநிலையை பிரதிபலிப்பதாக இந்த நிலைகள் மருத்துவர் எலிசபத் ராசினால் கூறப்பட்டாலும், எந்த வித துக்க நிகழ்வுகளுக்கும் இது பொருந்தும் என்று சில காலங்களிலேயே கண்டறியப்பட்டது.

எலிசபத் ராஸ் முதலில் கூறியது ஐந்து நிலைகள் தான். (மறுப்பு, கோபம், பேரம், மனச்சோர்வு, ஏற்றுக்கொள்ளுதல்). சோதித்தல் என்பது பின்னர் சேர்க்கப்பட்டது. அதே போல் அதிர்ச்சி என்ற நிலையும் பின்னர் சேர்க்கப்பட்டது தான்

ஆக, ஒரு துக்க நிகழ்வை எதிர்க்கொள்ளும் மனித மனம் கீழ்க்கண்ட எழு நிலைகளை கடந்து வருகிறது

அதிர்ச்சி
மறுப்பு
கோபம்
பேரம்
மனச்சோர்வு
சோதித்து பார்த்தல்
ஏற்றுக்கொள்ளுதல்

இதை சில உதாரணங்களுடன் பார்ப்போம்

உதாரணம் 1 : தேர்வில் தேர்ச்சியடையாத மாணவனின் மனநிலை

(பின்குறிப்பு : ஒரு 3 மணி நேரத்தில் 15 கேள்விகளுக்கு அளிக்கப்படும் விடையை வைத்து “தோல்வி” என்ற அடைமொழியை பயன்படுத்தில் எனக்கு உடன்பாடு கிடையாது)
தேர்வு முடிவு வரும் வரை, அவனது இயல்பான நடவடிக்கைகள் இருந்து கொண்டிருக்கும். நண்பர்களுடன் அரட்டை, கிரிக்கெட், தொலைகாட்சி, என்ற அவனது இயல்பு வாழ்க்கையை நாம் “நிலையான நிலை” என்று அழைப்போம்

The Kübler-Ross Grief Cycle in Tamil (படம் உதவி : குசும்பன் )

இப்பொழுது தேர்வு முடிவுகள் வெளிவந்தவுடன் என்ன நடக்கிறது என்று பார்ப்போம்

அதிர்ச்சி : முடிவை பார்த்தவுடன் அல்லது கேட்டவுடன் அவன் அதிர்ச்சி அடைகிறான். தலையை ஆட்டி சம்மதம் என்றாலும் உள்ளுக்குள் அந்த செய்தியின் தாக்கம் செல்ல சிறிது நேரம் ஆகிறது. சிலருக்கு நாக்கு உலர்ந்து விடும். தொண்டை அடைப்பது போன்ற நிகழ்வுகள் நடப்பதும் உண்டு.
மறுப்பு : “இல்லை. நான் கட்டாயம் தேர்ச்சி பெற்று இருப்பேன்”. “இதில் ஏதோ தவறு”. “இந்த நாளிதழ் தவறாக அச்சிட்டுள்ளது. அடுத்த நாளிதழை வாங்கி பார்ப்போம்”
கோபம் : அனைவர் மேலும் கோபம். விடைத்தாளை திருத்தியவர் மேல் கோபம். அதிகம் 10 நிமிடம் தராத தேர்வரங்க ஆசிரியர் மேல் கோபம். கத்துவது, எதையாவது தூக்கி எறிவது, அடுத்தவர்களிடம் எரிந்து விழுவது என்று சம்பந்தப்பட்ட நபர் அதிகம் “செயல்படுவதால்” இது “செயல்படும் நிலை”
பேரம் : எத்தனை தாள்களில் தேர்வாக வில்லை. ஒரே ஒரு தாள் தானா, பல தாள்களா
மனச்சோர்வு : அறைக்குள் அடைந்து கிடப்பது. ஒழுங்காக சாப்பிடாமல் இருப்பது. யாரிடமும் பேசாமல் இருப்பது என்று வழக்கமான அளவை விட குறைந்த அளவே வேலை செய்வதால் “செயல்படா நிலை”
சோதித்தல் : மதிப்பெண் பட்டியலை சென்று பார்த்தல்
ஏற்றுக்கொள்ளுதல் : அடுத்த தேர்விற்கு தயாராகுதல்

உதாரணம் 2 : தொழிற்சாலையில் விபத்து என்று கேள்விப்படும் தொழிலதிபர்

விபத்து என்று செய்தி வரும் வரை, அவனது இயல்பான நடவடிக்கைகள் இருந்து கொண்டிருக்கும். அலுவலகம் செல்வது, தொழிற்சாலை செல்வது, கூட்டங்கள், கேளிக்கை, கிளப்புக்கு சென்று சீட்டு விளையாடுவது என்ற அவரது இயல்பு வாழ்க்கையை நாம் “நிலையான நிலை” என்று அழைப்போம்

இப்பொழுது தொழிற்சாலையில் விபத்து என்றவுடன் என்ன நடக்கிறது என்று பார்ப்போம்

அதிர்ச்சி : செய்தியை கேட்டவுடன் முதலில் நடப்பது அதிர்ச்சி தான். தலையை ஆட்டி சம்மதம் என்றாலும் உள்ளுக்குள் அந்த செய்தியின் தாக்கம் செல்ல சிறிது நேரம் ஆகிறது. சிலருக்கு நாக்கு உலர்ந்து விடும். தொண்டை அடைப்பது போன்ற நிகழ்வுகள் நடப்பதும் உண்டு. நெஞ்சு வலி வரலாம். முச்சடைக்கலாம். ஏற்கனவே இதய நோயாளி என்றால் மாரடைப்பு கூட வரலாம்.
மறுப்பு : “இல்லை, என் தொழிற்சாலையில் இருக்காது. அங்கு விபத்து நடப்பதற்கு வழியே இல்லையே. வேறு ஏதாவது இடத்தில் இருக்கலாம்”
கோபம் : கத்துவது, எதையாவது தூக்கி எறிவது, அடுத்தவர்களிடம் எரிந்து விழுவது என்று சம்பந்தப்பட்ட நபர் அதிகம் “செயல்படுவதால்” இது “செயல்படும் நிலை”
பேரம் : “எவ்வளவு சேதம்”, “அதில் எவ்வளவு விபத்து காப்பீடு உள்ளது”, “கொஞ்சமாவது தேறுமா”
மனச்சோர்வு : அறைக்குள் அடைந்து கிடப்பது. ஒழுங்காக சாப்பிடாமல் இருப்பது. யாரிடமும் பேசாமல் இருப்பது என்று வழக்கமான அளவை விட குறைந்த அளவே வேலை செய்வதால் “செயல்படா நிலை”
சோதித்தல் : “விபத்து எப்படி நடந்தது” “யார் தவறு” “இனி இப்படி நடக்காமல் தடுப்பது எப்படி”
ஏற்றுக்கொள்ளுதல் : “எப்படியும் அந்த டிவிசனை இடித்து விட்டு புதிதாக கட்ட வேண்டும் என்று நினைத்தேன்” “இனி செய்துவிட வேண்டியது தான்”

மூன்றாவது உதாரணம் எழுதவில்லை. நீங்களே பொருத்தி பாருங்கள்.

பொருந்தி வருவது தெளிவாக தெரிந்தால் நீங்கள் மூன்றாவது நிலையை தாண்டி நான்காவது, ஐந்தாவது, ஆறாவது அல்லது ஏழாவது நிலையில் உள்ளீர்கள்
கோபப்பட்டால் மூன்றாவது நிலை
அந்த உதாரணம் பொருந்தாது என்று கூறினால் இரண்டாவது நிலை
முதல் நிலையில் இருப்பவர் இந்த இடுகையை வாசிக்கும் வாய்ப்பு குறைவு

வலிப்பு நோய் உள்ளவர்கள் கடைபிடிக்கவேண்டிய முன்னெச்சரிக்கை நடவடிக்கைகள் யாவை ? : வலிப்பு நோயா ? : பாகம் 3

வலிப்பு நோயா ? : பாகம் 3 : வலிப்பு நோய் உள்ளவர்கள் கடைபிடிக்கவேண்டிய முன்னெச்சரிக்கை நடவடிக்கைகள் யாவை ?
++++++++++++++++++++++++++++++++

வீட்டில்
********

1. மாத்திரைகளை தொடர்ந்து ஒழுங்காக சாப்பிட வேண்டும். மருத்துவரின் ஆலோசனை இல்லாமல் மாத்திரைகளை மாற்றுவதோ, அல்லது குறைப்பதோ கூடாது. போதுமான அளவு மாத்திரைகளை கையிருப்பில் வைத்துக்கொள்ள வேண்டும். மாத்திரை தீரும் வரை காத்திருக்காமல், 4 நாட்களுக்கு முன்னரே வாங்கிவிட வேண்டும்.

2. சர்க்கரை நோய், இரத்த அழுத்தம் போன்றவை இருந்தால், அந்த நோய்களுக்கான சிகிச்சையை முறையாக எடுக்க வேண்டும். சிறிது கூட தாமதிக்கக்கூடாது. இரத்த அழுத்தம், சர்க்கரை நோய், இதய நோய் போன்றவற்றிற்கு சிகிச்சை எடுக்க வேண்டியிருந்தால், உணவுக்கட்டுப்பாடு தேவை. தங்களின் ஆரம்ப சுகாதார நிலைய மருத்துவர், குடும்ப மருத்துவர் ஆகியோரின் ஆலோசனைகளை கடைபிடிக்கவும்

3. வேறு எந்த நோயும் இல்லாதவர்கள் கூட அதிக அளவு சர்க்கரை, மாவுச்சத்து ஆகியவற்றை தவிர்க்க வேண்டும்

4. ஒரு சிறு காகிதத்தில் தங்களின் பெயர், வலிப்பு நோயின் சரியான பெயர், எடுத்துக்கொள்ளும் மாத்திரைகளின் பெயர், குடும்ப உறுப்பினர்களின் பெயர் மற்றும் அலைபேசி எண், குடும்ப மருத்துவரின் பெயர் மற்றும் எண் ஆகியவற்றை எழுதி (அல்லது தட்டச்சு செய்து) அதை ஒரு கண்ணாடிஉறைக்குள் (அல்லது லேமினேட் செய்து) சட்டைப்பையில் வைத்துக்கொள்ளவும்

வலிப்பு நோய் உள்ளவர்கள் கடைபிடிக்கவேண்டிய முன்னெச்சரிக்கை நடவடிக்கைகள் யாவை ?

5. தினமும் குளிக்கவும். தலைக்கு குளிக்கலாம்.
ஷவரில் குளிக்கலாம். அல்லது வாளியில் நீர் பிடித்து குளிக்கலாம்
குளியல் தொட்டியில் குளிப்பதை தவிர்க்க வேண்டும்.
குளியலறை/ கழிப்பறை கதவினை சாத்தவும், ஆனால் உள்ளிருந்து தாழ்ப்பாள் போடக்கூடாது.

6. குளியலறைக்குள் (அல்லது நீருக்கு அருகில்) மின் சாதனங்களை பயன்படுத்த வேண்டாம். வலிப்பு ஏற்பட்டால் இவை நீருக்குள் விழுந்தால் மின் அதிர்ச்சி ஏற்பட (ஷாக் அடிக்க) வாய்ப்பு உள்ளது

7. அறைக்குள் தனியாக இருக்கும் போது உட்புறம் தாழ்ப்பாள் போடக்கூடாது. இரு பக்கமும் திறக்கும் பூட்டுகளையே வீட்டில் பயன்படுத்தவும்

8. கண் கண்ணாடி அணிபவராக இருந்தால் உங்கள் லென்ஸ்களை உடையாத லென்ஸ்களாக மாற்றுங்கள்

9. வீட்டினுள் முடிந்த அளவு கண்ணாடிகளை தவிர்த்து விட்டு, ப்ளாஸ்டிக் போன்ற உடையாத பொருட்களை பயன்படுத்த வேண்டும்
உதாரனமாக : கண்ணாடி கோப்பைகளை பயன்படுத்தக்கூடாது. வலிப்பின் போது இவை உடைந்து அதிக பாதிப்புகளை ஏற்படுத்தலாம்

10. சமையல் செய்யும் போது, பாத்திரங்களில் கைப்பிடி, சுவற்றை நோக்கி இருக்கும்படி வைத்துக்கொள்ளவும். ஒருவேலை வலிப்பு ஏற்பட்டால் கூட, உங்கள் கை அந்த கைப்பிடியில் பட்டு, கொதிக்கும் குழம்பு உங்கள் மேல் விழும் வாய்ப்பை அளிக்கக்கூடாது

அலுவலகத்தில்
*****************

11. உங்கள் உடன் பணிபுரிபவர்கள் மற்றும் மேலதிகாரிகள் ஆகியோருக்கு இதை தெரியப்படுத்துங்கள். 4ஆம் கருத்தில் கூறிய காகிதத்தின் ஒரு நகலை அவர்களுக்கு அளிப்பது சிறந்தது

12. கூர்மையான கருவிகள் பயன்படுத்தக்கூடாது

வெளியில் செல்லும் போது
*****************************

13. மருத்துவரின் பரிந்துரை இல்லாமல் வாகனம் ஓட்டக்கூடாது

14. ஏரி, குளம், கிணறு, அருவி ஆகியவற்றினுள் தனியாக செல்லக்கூடாது. நீச்சல் தெரிந்த நபர்கள் அருகில் இருந்தால் மட்டுமே நீர் நிலைகளுக்குள் செல்ல வேண்டும்

பொதுவாக
************

15. ஒரு நாட்குறிப்பேட்டில் (அல்லது கூகிள் காலெண்டரில்) வலிப்பு ஏற்படும் தேதி, நேரம் ஆகியவற்றை குறித்து வைத்துக்கொள்ளவும்

16. ஒழுங்கான தூக்கம் வேண்டும். முறையான நேரத்தில் தூங்க செல்வது நலம்.

17. வலிப்பு அறிகுறியை தோற்றுவிக்கும் காரணிகளை முடிந்தவரை தவிர்க்கவேண்டும். சிலருக்கு தூங்காவிட்டால் வலிப்பு வரும். அவர்கள் முறையாக தூங்க வேண்டும். சிலருக்கு விளக்கும் பளிச்சிட்டால் வலிப்பு வரும். அவர்கள் அது போல் பளிச்சிடும் விளக்குகளை பார்ப்பதை தவிர்க்க வேண்டும்

18. வலிப்பு ஏற்பட்டாலோ அல்லது தலைவலி, பார்வை இரண்டாக தெரிவது, வாந்தி ஆகியவை ஏற்பட்டாலோ உடனடியாக 108 அழைத்து மருத்துவமனைக்கு வரவும்

-oOo-

இந்த கட்டுரை பலருக்கும் பயன்பட இதை உங்கள் பக்கத்தில் மற்றும் குழுக்களில் பகிரும் படி கேட்டுக்கொள்கிறேன்
உங்கள் சந்தேகங்களை மறுமொழியில் கேளுங்கள்

-oOo-

முதுகுவலி, எடை குறைப்பு, தலைவலி, கைகால்வலிப்பு (காக்காவலிப்பு) குறித்த தகவல்களை தொடர்ந்து வாசிக்க, இந்த பக்கத்தை விரும்பவும் (லைக் செய்யவும்)

ஒரு முறை வலிப்பு வந்தால் வாழ்நாள் முழுவதும் மாத்திரை சாப்பிட வேண்டுமா ? : வலிப்பு நோயா ? : பாகம் 2

வலிப்பு நோயா ? : பாகம் 2
*****************************
ஒரு முறை வலிப்பு வந்தால் வாழ்நாள் முழுவதும் மாத்திரை சாப்பிட வேண்டுமா ? கை கால் வலிப்பு (காக்காவலிப்பு) ஏற்பட்டால் மட்டும் தான் அது வலிப்பு நோயா ?

-oOo-

வலிப்பு நோய் குறித்து மேலும் அறிந்து கொள்வதற்கு முன்னர்,
1. நோய் (Disease) அல்லது பிணி
2. நோய்குறி (Symptom / Sign)
3. நோய்குழு (Group of Diseases)
4. நோய்வீச்சு (Spectrum of Symptoms of a Disease)

ஆகிய பதங்களை பற்றி தெரிந்து கொள்ளலாம்

-oOo-

நோய் என்றால் என்ன ? மனித உடல் தனது இயல்பான செயல்பாட்டினை இழப்பதே நோய் அல்லது பிணி ஆகும்

இப்படி இயல்பான செயல்பாட்டினை இழக்கும் போது உடலில் பல மாற்றங்கள் தோன்றுகின்றன. இவையே நோய்குறி

ஒரு நோய்க்கு பல நோய்க்குறிகள் இருக்கும்.
அதே போல் ஒரு நோய்க்குறி பல நோய்களுக்கு இருக்கும்

நோய்வீச்சு (Spectrum of Symptoms of a Disease) என்றால் என்ன ? ஒரு நோயில் சில நோய்குறிகள் பிரதானமாக இருக்கும். ஆனால் அது தவிர பல நோய்குறிகளும் இருக்கும். இவை அனைத்து சேர்ந்தது ஒரு நோய்வீச்சு

அப்படி என்றால் நோய்குழு (Group of diseases) என்றால் என்ன ?
ஒரு நோய்குறி உள்ள பல நோய்கள் நோய்குழு என்று அழைக்கப்படுகின்றன

-oOo-

உதாரணமாக

ஒரு முறை வலிப்பு வந்தால் வாழ்நாள் முழுவதும் மாத்திரை சாப்பிட வேண்டுமா ?

மலேரியா (Malaria) என்பது நோய் (Disease)
இதன் முக்கிய நோய்குறி (Sign) காய்ச்சல் (Fever)
மலேரியா நோய் வீச்சு (Spectrum of Malaria) என்றா; காய்ச்சல் தவிர இரத்தத்தில் அணுக்கள் உடைவது, ஈரல், மண்ணீரல் பெரிதாவது என்று பலவும் இருக்கும்
காய்ச்சல் நோய்குழுவில் (Fever Group of Diseases) காய்ச்சல் பிரதானமாக உள்ள பிற நோய்களும் இருக்கும். உதாரணமாக – டைப்பாயிடு

-oOo-

கைகால் வலிப்பு (fits) என்பது ஒரு நோய் (disease) அல்ல.
அது ஒரு நோய்க்குறி (sign). மூளைக்குள் மின் இணைப்புகள் அல்லது வேதிபொருட்களில் ஏற்பட்ட பிரச்சனையினால் கைகால் தசைகள் முறையாக சுருங்கி விரியாமல் தாறுமாறாக சுருங்கி விரியும். இதுவே கை கால் வலிப்பு எனப்படுகிறது

இந்த கை கால் வலிப்பு ஏற்படக்காரணமான பிரச்சனை ஒன்று இருக்கும் அல்லவா. அது தான் நோய் (disease)

பல நோய்களில் கைகால் வலிப்பு அறிகுறி வரலாம் அல்லவா, அவை எல்லாம் சேர்ந்து தான் வலிப்பு நோய் (Epilepsy)

Epilepsy is a group of neurological diseases characterized by epileptic seizures. அதாவது வலிப்பு அறிகுறி ஏற்படும் அனைத்து நோய்களும் சேர்ந்த நோய்குழுதான் வலிப்பு நோய்கள்

-oOo-

இதில் முக்கியமான விஷயம்

வலிப்பு அறிகுறி என்பது வேறு (அது நோய்குறி) Fits or Seizures is a Sign
வலிப்பு நோய் என்பது வேறு (அது நோய்)
வலிப்பு நோய்கள் என்பது வேறு (அது நோய்க்குழு) Epilepsy is a disease group

வலிப்பு அறிகுறி என்பது பல காரணங்களினால் ஏற்படலாம்.
அந்த காரணங்களில் சில காரணங்கள் வலிப்பு நோய்கள்
Fits can occur due to various reasons. Epilepsy is one of them

வலிப்பு நோயில் பல நோய்குறிகள் அல்லது பாதிப்புகள் ஏற்படலாம்.
அந்த பல பாதிப்புகள் அல்லது நோய்குறிகளில் ஒன்று வலிப்பு அறிகுறி
Epilepsy can have various signs and Symptoms. Fits is one of them

அதே போல்

வலிப்பு அறிகுறி ஏற்படாத வலிப்பு நோய்களும் உள்ளன
Many diseases in epilepsy may not present with Fits

வலிப்பு நோய்கள் தவிர பல நோய்களிலும் வலிப்பு அறிகுறி ஏற்படலாம்
Fits can occur is conditions other than epilepsy

-oOo-

இதை திரும்ப திரும்ப கூறுவதன் நோக்கம் என்னவென்றால்

நமது மக்களில் பெரும்பாண்மையானவர்களுக்கு

நோய்க்கும்
நோய்குறிக்கும் வித்தியாசம் தெரியாது

எந்த காரணத்தினால் வலிப்பு அறிகுறி ஏற்பட்டாலும் அவை அனைத்தும் ஒரே மருந்தினால் சரியாகிவிடும் என்ற தவறான எண்ணம் பலருக்கும் உள்ளது

-oOo-

இப்பொழுது நாம் முதலில் பார்த்த மூன்றூ கேள்விகளுக்கும் விடை காணலாம்

1
ஒரு முறை வலிப்பு அறிகுறி வந்தால் வாழ்நாள் முழுவதும் மாத்திரை சாப்பிட வேண்டுமா ?

இல்லை !
அப்படி அவசியம் இல்லை

வலிப்பு அறிகுறி எந்த காரணத்தினால், எந்த நோயினால் வந்தது என்பதை கண்டு பிடித்து அது வலிப்பு நோயினால் வந்ததா, அல்லது பிற காரணங்களினால் வந்ததா என்று பார்க்க வேண்டும்

பிற காரணங்களினால் வந்தது என்றால்
அதாவது
வேறு நோய்களினால் வந்தது என்றால்
அந்த நோய்க்குரிய சிகிச்சை எடுத்தாலே போதும். வலிப்பு அறிகுறி அதன் பிறகு வராது

2
கை கால் வலிப்பு (காக்காவலிப்பு) ஏற்பட்டால் மட்டும் தான் அது வலிப்பு நோயா ?
இல்லை !
கை கால் வலிப்பு ஏற்படாமல் கூட வலிப்பு நோயின் பிற பாதிப்புகள் இருக்கலாம்

-oOo-

வலிப்பு நோயின் பிற நோய்குறிகள் யாவை ?

தொடர்ந்து பார்ப்போம்

கால் கை வலிப்பு (காக்காவலிப்பு) எப்படி ஏற்படுகிறது ? வலிப்பு நோயா ? : பாகம் 1

வலிப்பு நோயா ? : பாகம் 1
*****************************
கால் கை வலிப்பு (காக்காவலிப்பு) எப்படி ஏற்படுகிறது என்பதை ஒரு உதாரணத்துடன் இந்த கட்டுரை விளக்குகிறது.

++++++++++++++++++++++

இந்த கட்டுரையை நீங்கள் வாசிக்கிறீர்கள்; உங்கள் திரையில் எழுத்துக்களும் படங்களும் தெரிகின்றன என்றால் என்ன அர்த்தம் –> உங்கள் அலைபேசி (அல்லது மடிக்கணினி அல்லது மேசைக்கணினி) ஒழுங்காக வேலை செய்கிறது என்று அர்த்தம்

ஒருவேளை

கால் கை வலிப்பு (காக்காவலிப்பு) எப்படி ஏற்படுகிறது என்பதை ஒரு உதாரணத்துடன் இந்த கட்டுரை விளக்குகிறது.

உங்கள் அலைபேசி (அல்லது மடிக்கணினி அல்லது மேசைக்கணினி) ஒழுங்காக வேலை செய்யவில்லை என்று வைத்துக்கொள்ளுங்கள்
ஒன்று கணினியின் மையச் செயற்பகுதியில் (CPU) ஏதோ பிரச்சனை அல்லது மையச்செயற்பகுதியில் இருந்து வரும் கம்பியில் கோளாறு அல்லது மின் இணைப்புகலில் தகராறு அல்லது திரையில் பிழை இருந்தால் என்ன நடக்கும்
எழுத்துக்களும் படங்களும் தெளிவில்லாமல் இருக்கும் . . .
சிறு பிழை என்றால் சிறிது தெளிவில்லாமல் இருக்கும். அதேநேரம்
பிரச்சனை, கோளாறு, தகராறு, பிழை அதிகம் இருந்தால், திரையில் தெரிவதை வைத்து ஒன்றுமே அறிந்து கொள்ள முடியாது

-oOo-

கணினியில் விசைப்பலகை, எலி போன்ற கருவிகளின் மூலம் செய்தி உள்ளே செல்கிறது

அதே போல் நமது உடம்பில் புலன்களின் மூலம் (கண், காது, மூக்கு, நாக்கு, தோல்) செய்தி உள்ளே செல்கிறது

கணினியின் மையச் செயற்பகுதியில் இந்த செய்திகள் உள்வாங்கப்பட்டு அடுத்து என்ன செய்யவேண்டும் என்பது முடிவு செய்யப்படுகிறது
அதே போல் நமது மூளையில் இந்த செய்திகள் உள்வாங்கப்பட்டு அடுத்து என்ன செய்யவேண்டும் என்பது முடிவு செய்யப்படுகிறது
கணினியில் இருந்து வரும் கட்டளைகள் திரையில் தெரிகின்றன, அல்லது அச்சுபொறியின் மூலம் அச்சடிக்கப்படுகின்றன
மூளையில் இருந்து வரும் கட்டளைகள் மூலம் தசைகள் இயக்கப்படுகின்றன, அல்லது பிற செயல்கள் நடக்கின்றன

-oOo-

அலைபேசி அல்லது கணினி ஒழுங்காக வேலை செய்தால் திரையில் படம் முறையாக தெரியும்

மூளை ஒழுங்காக வேலை செய்தால் கை கால் தசைகள் செய்ய வேண்டிய வேலைக்கு ஏற்றாற்போல் சுருங்கி விரியும்

-oOo-

அலைபேசி அல்லது கணினியின் மின்னினைப்புகளில் பிரச்சனை என்றால் திரையில் படம் முறையற்று தெரியும்

மூளையின் மின் இணைப்புகளில் அல்லது வேதிபொருட்களில் பிரச்சனை என்றால் கைகால் தசைகள் முறையாக சுருங்கி விரியாமல் தாறுமாறாக சுருங்கி விரியும். இதுவே கை கால் வலிப்பு எனப்படுகிறது
கால் கை வலிப்பு என்பது மருவி, காக்காய் வலிப்பு என்று மாறி விட்டது

-oOo-

மூளையின் மின் இணைப்புகளில் ஏன் பிரச்சனை வருகிறது ?
மூளையின் வேதிபொருட்களில் ஏன் பிரச்சனை வருகிறது ?
இந்த பிரச்சனைகளால் கை கால் வலிப்பு தவிர வேறு என்ன பாதிப்புகள் ஏற்படலாம் ?
இவற்றை எப்படி சரி செய்ய வேண்டும் ?
தொடர்ந்து பார்க்கலாம்

-oOo-

இந்த கட்டுரை பலருக்கும் பயன்பட இதை உங்கள் பக்கத்தில் மற்றும் குழுக்களில் பகிரும் படி கேட்டுக்கொள்கிறேன்
உங்கள் சந்தேகங்களை மறுமொழியில் கேளுங்கள்